Zähmet diýip nämä düşünmeli? Zähmet - munuň özi adamyň maksada laýyk işidir. Başgaça aýdylanda, zähmet işçi güýjüniň sarp edilmesidir. Işçi güýji - bu adamyň fiziki we akyl ukyplarynyň jemidir, onuň zähmete bolan ukyplylygydyr. Işçi güýjüniň sarp edilmegi, ýagny onuň herekete getirilmegi jemgyýetçilik önümçiliginiň amala aşyrylmagynyň zerur şertidir.

Ykdysady kanunlar diýmek näme? Ykdysady kanunlar — önümçilik gatnaşyklardaky umumylaşan, mydama gaýtalanyp durýan has düýpli, durnukly içerki sebäp-netije baglanyşyklary aňladýar. Olar obýektiw kanunlardyr. Olaryň döremegine, hereket etmegine we gerek bolmagyna, aýrylyp gitmegine, edil Günüň dogup ýaşyşy ýaly, adam täsir edip bilmeýär.

Bank sözi – banko diýen italian sözünden gelip çykýar. Ol “stol (oturgyç)” diýmäni aňladýar. Ilkinji bank edaralary Florensiyada, Wenesiýada XVI asyrlarda peýda bolýar. Olar diňe goýumlary kabul etmäge we nagt hasaplaşmany amala aşyrypdyrlar.

Döwlet býujeti – Býujet döwletiň garamagynda durýan uly merkezleşdirilen pul gaznasy bolup, ol maliýe ulgamynyň esasy bölegidir. Döwlet býujetiniň aýratynlygy, onuň döwletiň maliýe ulgamynyň bölümleri bilen, beýleki ykdysady kategoriýalary bilen aýrylmaz baglanyşygy bolup durýar (hojalyk hasaplaşyklary, nyrhlar, zähmet haky, karz (kredit) we başgalar). Türkmenistanyň býujet ulgamlary barada kabul edilen kanunda (1996-njy ýylyň iýun aýynyň 18-i) býujet ulgamy barada giňişleýin düşünjeler bar: býujet Türkmenistanyň kanunçylygy esasynda döwlet häkimiýeti, ýerli häkimiýet guramalary tarapyndan belli bir döwürde toplanylýan we ulanylýan maliýe resurslarynyň jemidir.

Her bir döwletiň ykdysady aýratynlygy bar. Türkmenistanyň ykdysady aýratynlyklary şulary alyp bileris: Tebigy resurslary eksport etmek, Daşary yurt inwestorlary çekmek, Ykdysady diwersfikasiýa, telekeçiligi ösdürmek, bazar ykdysadyýetine kem-kemden geçmek, Sosial (durmuş) sfera - Türkmenistanyň byujetiniň 80% sosial sfera gidyär. syýahatçylyk pudagyny ösdürmek.

Erkin ykdysady zolaklar (EYZ) – munuň özi daşary ỳurt we milli telekeçiler üçin aýratyn ýeňillikli ykdysady şertler hereket edýän çäklendirilen territoriýalardyr. Garaşsyzlyk alnandan soň ýurdumyzda erkin ykdysady zolaklary döretmek hakyndaky meselä ilkinji gezek 1992-nji ýylyň 14-nji dekabrynda Halk maslahatyň mejlisinde erkin ykdysady zolaklaryň 7 sanysyny döretmek hakynda karar kabul edildi. Häzirki döwürde erkin ykdysady zolaklaryň 11 sanysy bar. Olar : Hazar – Ekerem, Baharly – Serdar, Aşgabat – Abadan, Aşgabat – Änew, Mary – Baýramaly, Daşoguz – Aeroport, Türkmenabat – Seýdi, Güneşli Türkmenistan, Aşgabat- Aeroport, Sarahs etrap zolagy, Awaza milli syýahatçylyk zolagy.

Demografiýa (demos - halk we grapho - ýazýaryn diýen grek sözlerinden) ilaty öwrenýän ylymdyr. Ilat belli bir çäkde (obada, şäherçede, etrapda, şäherde, welaýatda, ýurtda, sebitde, yklymda we tutuş dünýäde) ýaşaýan adamlaryň köplügidir.

Pul dolanyşygy – bu zähmete hak tölemegiň, harytlary ýerleşdirmegiň, hyzmatlar üçin hasaplaşyklaryň we beýleki tölegleriň amala aşyrylmagyny, baha ölçegleri, dolanyşyk serişdesi, töleg serişdesi, süýşirintgileri (kapital) we dünýä pullaryny toplamagyň serişdesi. Ykdysady gatnaşyklaryň özeninde pul esasy orun eýeleýär.

Islendik döwletiň esasy aladalarynyň biri milli ykdysadyỳeti ösdürmek bilen baglanyşyklydyr. Ykdysadyỳetiň ösmegi ỳurduň içerki we daşarky meseleleriniň köpüsini üstünlikli çözmeklige mümkinçilik berỳär.

Махтумкули – поэт вечности. Даже время, которое способно вырвать из человеческой памяти многое, бессильно перед величием его творчества.